Ресей жерінде өтетін әлем чемпионатының ең арзан билеті қанша тұрады?

2018 жылы Ресей жерінде өтетін әлем чемпионатының ең арзан билеттері 1280 рубль (7014 теңге) тұрады. Бұл туралы ұйымдастыру комитетінің басшысы Алексей Сорокин айтты, деп жазады "Известия".

"Ең арзан билеттердің құны 1 мың 208 рубль тұрады. Бұл әу баста-ақ [Халықаралық футбол федерациясы] ФИФА-мен келісілген дүние еді. Біз ФИФА-дан мұндай бағалы бағалы билеттерді көп шығаруды сұрап көреміз. Өйткені, әлем чемпионатының билеттері жанкүйерлерге қол жетімді болуы керек", - дейді Сорокин.

5 шілде күні вице-министр, Ресей футбол одағының президенті Виталий Мутко әлем чемпионатының билеттері әрбір ресейлік азаматқа қол жетімді болатынын айтқан еді.

Төртінші деңгейлі (ең арзан) билеттерді тек әлем чемпионатын өткізіп жатқан елдің жанкүйерлері ғана сатып алады. Конфедерация кубогы додасының топтық кезеңінде мұндай билеттердің құны 960 рубль болды.

Еске салайық, Ресей жеріндегі әлем чемпионаты 2018 жылдың 14 маусымы мен 15 шілдесі аралағында 11 қалада өтеді.

Әлеуметтік желілерде бөлісу