"Саутгемптон" футболшылары Австрияның танымал тумасы Арнольд Шварценеггердің (Schwarzenegger) атын әріптеп айта алмады. Бұл туралы клубтың твиттері хабарлайды.
Англиялық клубтың футболшылары қазіргі уақытта Австрия жерінде оқу-жаттығу жиындарын өткізіп жатыр. Осыған орай клубтың баспасөз қызметі футболшыларды бір сынақтан өткізуді жөн санапты. Сынақтың тапсырмасы атақты кино жұлдыз Арнольд Шварценеггердің атын әріптеп айту болған. Біран бірде-бір футболшы бұл тапсырманы орындай алмаған.
Айта кетейік, Ағылшын біріншілігінің өткен маусымының қорытындысы бойынша "Саутгемптон" сегізінші орынға тұрақтаған еді. Ал маусым айында команданың тізгінің аргентиналық маман Маурисио Пеллегрино ұстады.
Жарнама