Роналдудың сұрықсыз мүсінін жасаған шебер Гарет Бэйлдің де мүсінін жасап шықты

"Реал" шабуылшысы Кригтиану Роналдудың атақты болып кеткен сұрықсыз мүсінін жасаған мүсінші Эммануэль Сантуш мадридтік клубқа қатысты тағы бір мүсін жасады, - деп хабарлайды Vesti.kz сайтының қазақ бөлімі.

Ескес алайық, Португалияның Мадейра қаласындағы әуежайда орнатылған Роналдудың мүсіні желіде жылдам таралып кеткен болатын. Ал желі қолданушылары мүсіннің бет әлпеті Роналдуға еш ұқсамайтындығына күлген еді.

Бұл жолы мүсінші Гарет Бейлді бейнелеген. Уэлстік футболшы мүсініне Paddy Power букмекерлік кеңсесі тапсырыс берген.

"Менің атым шықты, өйткені мен жасаған Роналду мүсіні адамдарды күлдірді ғой. Сондықтан тағы бір футболшының мүсінін жасау мен үшін аброй болып отыр", - дейді Сантуш.

Сонымен бірге, мүсінші тағы бір футболшыны бейнелеп, хет-трик жасағысы келід екен. Бейлдің мүсінін жасауға 264 ағат жұмсалған, мүсін салмағы 40 келі, ал құны 25 мың фунт.

Мүсін Кардиффтегі "Миллениум" стадионының маңына қойлыды. 3 маусымда мұнда "Реал" мен "Ювентус" кездесу өткізеді.

Қазіргі кезде жаңа мүсінге байланысты әлеуметтік желілерде түрлі мемдер тарап кеткен. Беэйлді көбіне Дэнни Трехо және Рон Перлман сияқты актерлермен салыстырып жатыр.

Әлеуметтік желілерде бөлісу