Дуглас пен Тайнан екі сары қағаз алғанына қарамастан Ресейге қарсы кездесуге қатысады

Сурет УЕФА-ның ресми сайтынан алынды.

Футзалдан Қазақстан құрамасының ойыншылары Дуглас Жуниор мен Тайнан Еуропа біріншілігінің қола жүлдесі үшін Ресей құрамасына қарсы кездесуге қатыса алады, деп хабарлайды Vesti.kz порталы.

Еуропа біріншілігі барысында екі ойыншы да екі сары қағаздан алды. Біріншіліктің жаңа ережесі бойынша топтық кезең және ширек финалда алған сары қағаздардың барлығы жартылай финал алдында жойылып кетеді. Ескі ереже бойынша мұндай жағдай қарастырылмаған еді.

Бұл Еуропа чемпионатында Жуниор төрт гол соғып, жеті рет нәтижелі пас берді. Ал Тайнан болса үш гол соғып, екі нәтижелі пас берді. Екі ойыншы да Қазақстан құрамасының барлық ойындарына қатысты.

Еске салайық, жартылай финалда Қазақстан құрамасы Испаниямен кездесіп, негізгі уақытта ойын 5:5 есебімен аяқалса, пенальтде біздің құрама 1:3 есебімен жеңіліп қалды. Екінші жартылай финалда Португалия құрамасы Ресейді 3:2 есебімен жеңді.

Енді қола жүлде үшін өтетін ойында Қазақстан құрамасы Ресеймен кездеседі. Ойын 10-ақпан күні өтеді. Кездесу Астана уақытымен 23:00-де басталады. Ал Испания және Португалия құрамасы арасындағы кездесу 02:00-де басталады.

Әлеуметтік желілерде бөлісу