Ресейлік маман Қазақстан - Испания кездесуіне болжам жасады

Сурет УЕФА-ның ресми сайтынан алынды.

Мәскеулік "Спартак" клубының бұрынғы футболшысы, қазіргі уақытта "Рейтинга Букмекеров" маманы Евгений Ловчев футзалдан Еуропа біріншілігінің жартылай финалында кездесетін Қазақстан мен Испания арасындағы кездесуге болжамын жасады.

"Испания біріншілігімен тек Бразилия чемпионатының терезесі-тең шығар. Қазіргі таңда испаниялықтардың шағын футболдағы көрсеткіштері керемет. Футзалдың Еуропадағы деңгейі де өсті деп айтуға болады. Қазақстан да Ресей секілді шет елдік футболшыларды құрамаға шақыртып жатыр. Сондықтан құрама сапындағы түсініспеушіліктер болып жатады. Ал Испания құрамасы сапында барлығы бір біріншілікте өнер көрсетеді. Бірін-бірі керемет түседі. Сондықтан бұл кездесуде Испания құрамасы қиналмай жеңеді", - дейді Ловчев.

Еске салайық, футзалдан Қазақстан және Испания арасындағы Еуропа біріншілігінің жартылай финал ойыны бүгін түнде, Астана уақытымен 02:00-де басталады. Кездесуді "Хабар" арнасы тікелей эфирде көрсетеді.

Екінші жартылай финалда Ресей мен Португалия құрамасы кездеседі. Бұл ойын Астана уақытымен 23:00-де басталады.

Әлеуметтік желілерде бөлісу