Қазақстан құрамасының көшбасшысы Еуропа біріншілігінде Польшаға қарсы ойынға қатыспайтын болды

Лео. Сурет УЕФА-ның ресми сайтынан алынды.

Футзалдан Қазақстан құрамасыныңқ орғаушысы Лео Еуропа біріншілігінің топтық кезеңіндегі Польша құрамасына қарсы өтетін ойынға қатыспайды. Бұл туралы УЕФА хабарлап отыр.

Леоның орнына құрама сапында Тайнан ойнайды. Тайнан үшін бұл Қазақстан құрамасы сапында бірінші ойыны болмақ. Ал Леоның жарақаты қаншалықты ауыр екені және оның қатарға қашан қосылатыны белгісіз болып тұр.

#FutsalEURO update ...
Kazakhstan have lost Leo to injury and he has been replaced by Taynan ahead of their opening game against Poland tonight
— UEFA Futsal (@UEFAFutsal) 1 февраля 2018 г.

Лео үшін бұл екінші Еуропа біріншілігі. Бұған дейін ол 2016 жылы Қазақстан құрамасымен бірге Еуропа біріншілігінде өнер көрсетіп, қола жүлде жеңіп алған еді.

Қазақстан мен Польша арасында матч бүгін, 1 ақпан күні болады. Ойын Астана уақытымен 23:00-де басталады. кездесуді тікелей эфирде мына жерден көре аласыздар.

Доданың бірінші турында Польша құрамасы Ресеймен кездесіп, 1:1 есебімен тең тарқасты. Ал Қазақстан құрамасы болса Ресеймен 3 ақпан күні кездеседі. Плей-офф кезеңіне екі құрамадан шығады.

Әлеуметтік желілерде бөлісу