"Астананың" болашақ қарсыласы "Ювентустың" тәлімгерімен толығуы мүмкін

©WordPress.com

Ресейлік "Крыльев Советов" клубының шабуылшысы Кристиан Паскуато польшалық "Легия" клубына ауысуы мүмкін. Бұл туралы "Чемпионат" порталы Sky Sport Italia басылымына сілтеме жасап хабарлайды.

Порталдың мәліметі бойынша, 27 жастағы италиялық шабуылшы қазіргі уақытта польшалық клубпен келіссөз жүргізіп жатыр.

"Ювентустың" тәлімгері Кристиан Паскуато 2016 жылы ресейлік "Крылья Советов" командасына жалға берілді. Биыл оның туриндік клубпен келісімшарты аяқталды. Өткен маусымның қорытындысы бойынша ол Ресей біріншілігінле 26 кездесуге қатысып, 5 гол соққан.

Еске салайық, елордалық "Астана" клубы польшалық "Легия" клубымен Чемпиондар лигасының үшінші айналымында кездесуі мүмкін.

18 шілде күні Станимир Стойлов шәкірттері елордада юрмалалық "Спартак" клубына қарсы жауапты кездесуді өткізеді. Бұл екі командалар арасындағы бірінші кездесуде "Астана" түзде 1-0 есебімен жеңіске жеткен болатын.

Ал "Легия" болса Чемпиондар лигасының бірінші айналымында финляндиялық "Мариехамн" клубынан 3-0 есебімен үстем түсті.

Әлеуметтік желілерде бөлісу