"Барыс" ҚХЛ-дің плей-офф кезеңіне шықты

"Барыс" ХК ресми сайтынан.

Астаналық "Барыс" Құрлықтық хоккей лигасының плей-офф кезеңіне шықты, - деп хабарлайды tengrinews.kz.

Бүгін "Барыс" клубы "Сибирь" командасын 2:1 есебімен жеңіп, плей-офф кезеңге жолдама алып отыр.

Құрлықтық Хоккей Лигасы

Тұрақты біріншілік

Барыс - Сибирь 2:1 ОТ

Гол: Воробьев, 7 (0:1); Бойд, 13 (1:1); Доус, 64 (2:1)

Шығыс конференциясында "Барыс" 89 ұпаймен бесінші орында тұр. "Сибирь" клубы орналасқан тоғызыншы орыннан астаналықтарды 10 ұпай бөліп тұр. Бұл "Барыс" клубы қалған екі матчта жеңіліс тапса да, Шығыс конференциясының алтыншы орыннан төмен түспейді деген сөз.

ҚХЛ тұрақты чемпионатының аяқталуына екі тур қалып отыр. 16 ақпанда "Барыс" Новокузнецк командасы "Металлургпен" ойнаса, екі күн өткен соң өз алаңында "Авангардпен" кездеседі.

Қазіргі уақытта Құрлық хоккей лигасының плей-офф кезеңіне он команда өтіп тұр. Батыста СКА, ЦСКА, "Локомотив", мәскеулік "Динамо", "Торпедо" және минскілік "Динамо", ал Шығыста магнитогорлық "Металлург", "Авангард", "Ак Барс", "Трактор" және "Барыс".

Әлеуметтік желілерде бөлісу