"Шахтер" жаттығу жиындары барысында бес жолдастық кездесу өткізеді

©shahter.kz

Түркия жерінде оқу-жаттығу жиындарын өткізіп жатқан қарағандылық "Шахтер" жиын барысында бес жолдастық кездесу өткізеді, деп жазады Vesti.kz клубтың ресми сайтына сілтеме жасап.

Қарағандылық клубтың жаттығу жиындары 28-қаңтарға дейін жалғасады. Бұған дейін кеншілер 15-қаңтар күні бір жолдастық кездесу өткізген болатын. Румынияның "КСМ Политехника" клубына қарсы өткен ойын 0:0 есебімен тең аяқталған еді.

Бұдан кейін "Шахтер" тағы бес жолдастық кездесу өткізуді жоспарлап отыр. Қарағандылық клубтың алдағы ойындағы қарсыластары нижнекамндік "Нефтехимик", тулалық "Арсенал", краносярлық "Енисей", өзбекстандық "Насаф" және болгариялық "Верия" клубтары болмақ.

Жолдастық кездесулердің күнтізбесі:

19.01 "Шахтер" (Қарағанды, Қазақстан) – "Нефтехимик" (Нижнекамск, Ресей)
20.01 "Шахтер" (Қарағанды, Қазақстан) – "Насаф" (Карши, Өзбекстан)
23.01 "Шахтер" (Қарағанды, Қазақстан) – "Арсенал" (Тула, Ресей)
27.01 "Шахтер" (Қарағанды, Қазақстан) – "Верея" (Стара-Загора, Болгария)
27.01 "Шахтер" (Қарағанды, Қазақстан) – "Енисей" (Красноярск, Ресей)

Айта кетейік, бұл ойындардың өткізілу уақыттарына өзгерістер енгізілуі мүмкін.

Әлеуметтік желілерде бөлісу