Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

"Ордабасы" футбол клубын да болгар маманы жаттықтырады

Георги Дерменджиев – Қазақстан премьер-лигасында жаттықтырушылық қызметке келген төртінші болгариялық маман.


fcordabasy.kz
fcordabasy.kz
Шымкенттің "Ордабасы" футбол клубын болгар маманы Георги Дерменджиев жаттықтырады. Бұл туралы клубтың ресми сайты хабарлады.

Түркияда оқу-жаттығу жиынында жүрген ойыншыларға бүгін бас жаттықтырушы ресми түрде таныстырылды. 63 жастағы жаттықтырушы бұған дейін өз елінде "Спартак" (Пловдив), "Сливен" және "Лудогорец" командаларының бас бапкері болған. Соңғысымен, яғни "Лудогорец" клубымен үш рет Болгария чемпионы болып, 2014-2015 және 2016-2017 жылдар маусымында Чемпиондар лигасының топтық кезеңіне шыққан. Еуропа лигасының 1/16-финалында ойнаған. Болгарияның суперкубогын да жеңіп алған.

- Сіздерді Жаңа жыл мерекесі және жаңа маусымның басталуымен құттықтаймын. Біз чемпионатта да, еурокубок ойындарында да алдымызға тек өте жоғары мақсаттар қоямыз. Бастысы - жаттығу жұмыстарында аянбай тер төгіп, ойында да, күнделікті тұрмыста да тәртіп сақтаңыздар. Егер жаттықтырушылар құрамының талаптарын бұлжытпай орындайтын болсаңыздар, бәріне де қол жеткізетінімізге сенемін, - деді бас жаттықтырушы.

Шымкенттік команда ойыншылары алдындағы қарыздарынан толықтай құтылған. Естеріңізде болса, өткен жылдың жазынан бері шымкенттік клубтың футболшылары жалақыларын ала алмай жүргені жайлы айтылған еді. Сондықтан да олар 5 қараша күні өткен Қазақстан Премьер-лигасының соңғы турында "Оқжетпеске" қарсы өтетін кездесуге шықпайтындықтарын да жеткізген. Бірақ бүгін Vesti.kz порталының тілшісіне команданың футболшылары Таңат Нөсербаев, Бақдәулет Қожабаев және Бекзат Бейсенов секілді футболшылар клубтың барлық қарыздарынан құтылғанын айтты. Жалақы және барлық сыйақылар толық көлемде берілген.

"Ордабасы" командасы жаңа жаттықтырушымен бірге алғашқы ойынын 18 қаңтар күні Загребтің "Динамо" командасына қарсы өткізеді. Жолдастық кездесу Астана уақытымен сағат 20:00-де басталады.

Георги Дерменджиев – Қазақстан премьер-лигасында жаттықтырушылық қызметке келген төртінші болгариялық маман. "Астана" (Станимир Стойлов), "Қайсар" (Стойчо Младенов) мен "Қызыл-Жар" (Никола Спасов) клубтарын да болгар мамандары жаттықтырады.
  Пікір: 0
  0