"Астана" Твумасиді шетелдік клубтардың біріне сататын болды

^{Түркиялық "Бурсаспорт" мен елордалық "Астана" ганалық шабуылшы Патрик Твумасидің трансфері туралы келісімге келді. Бұл туралы}^{Bursa.com порталы хабарлап отыр.}

^{Басылымның мәліметі бойынша, қазақстандық клуб шабуылшыны 1,5 миллион еуроға сатуға келісімін беріпті. Бұған дейін елордалық клуб Твумаси үшін 2 миллион еуро талап еткен болатын.

"Барсаспорт" клубы болса төлемді төртке бөліп беруді ұсыныпты. Бірақ "Астана" болса ақшаны бірден толық алуды талап етіп отыр. Негізі әу баста түркиялық клуб шабуылшы үшін тек 750 мың еуро беруге кеіскен. Бірақ кейіннен бұл сомманы 1,25 миллион еуроға көбейткен. Басылым келіссөздің әлі де жүріп жатқанын жазады.

23 жастағы Твумаси "Астана" сапында 2013 жылдан бері өнер көрсетіп келеді. Биылғы маусымда ол Қазақстан біріншілігінде 30 кездесу өткізіп, 14 гол және 5 нәтижелі пас берген. Оның елордалық клубпен 2019 жылдың соңына дейін келісімшарты бар.

Айта кетейік, бұған дейін Твумасиге франциялық "Канның", мәскеулік "Спартактың", германиялық "Штутгарттың" шотландиялық "Селтиіктің" және жапониялық клубтардың бірі қызығушылық білдіріп отырғанғы белгілі болған.}

Әлеуметтік желілерде бөлісу