Түркиялық "Барсаспор" Твумасиді сатып үшін "Астанаға" ресми ұсыныс жасады

Патрик Твумаси. Сурет "Астана" клубының ресми сайтынан алынды.

Елордалық "Астана" мен Гана құрамасының шабуылшысы Патрик Твумаси қысты маусымаралық трансфер кезінде түркиялық "Бурсаспорт" клубына ауысуы мүмкін. Бұл туралы Bursasporluyuz.org порталы хабарлап отыр.

Порталдың таратқан мәліметі бойынша, негізі түркиялық клуб Твумасиді маусымның басында сатып алғысы келген. Бірақ ол кезде елордалық клуб келісім бермеген. Енді "Бурсаспорт" басшылары шабуылшыны сатып алу үшін екінші ұсыныс жасап отыр екен.

"Біз Твумасидің өкілдеріне ресми ұсыныс жасадық. Біз Мусса Соуды сатып алған кездегідей барлығын ресми жасауды жөн көрдік. Маусым басында біз "Астанамен" келісе алмаған едік. Енді жағдайдың қандай болатынын көреміз. Бұл жерде бастысы біз ұсынып отырған қаршы", - дейді "Бурсаспорт" клубының басшысы Хасан Парлакай.

Айта кетейік, қазіргі уақытта Твумасиге тағы бірнеше клуб қызығып отыр. Олардың қатарында шотландиялық "Селтик" пен германиялық "Штутгарт" клубы және мәскеулік "Спартак" та бар.

Еске салайық, биыл шілде айында Твумаси "Астана" клубымен келісімшартын ұзартқан еді. Енді оның "Астанамен" 2019 жылға дейінгі шартнамасы бар.

Әлеуметтік желілерде бөлісу