Валерий Карпин облыс басшыларымен келіссөз жүргізу үшін Павлодарға келді

Валерий Карпин. Сурет: Газета.ру

Танымал ресейлік маман Валерий Карпин 14 желтоқсан күні Павлодарға ұшып келді. Бұл туралы "Чемпионат" хабарлайды.

Ресейлік маманның Павлодарға келудегі басты мақсаты - Павлодар облысының басшыларымен келіссөз жүргізу. Онда 48 жастағы маман команданың жоспарларымен танысады.

Еске салайық, бұған дейін "Ертіс" өзінің ресми сайтында бас бапкер іздеп жатқаны туралы хабарландыру салған еді. Павлодарлық команда Вячеслав Грозный кеткеннен кейін бас бапкерсіз қалды. Оның бастамасымен "Ертіс" ел біріншілігінде төртінші орынға ие болып, Қазақстан атынан еурододаларда өнер көрсетуге мүмкіндік алды.

Дегенмен де Карпин "Ертістің" тізгінін ұстауы мүмкін деген соңғы кандидат емес. Бұл қызметке Кахабер Цхададзе мен украиналық маманы Анатолий Демьяненко да ұмітті.

Еске салайық, Карпин футболшы ретінде испаниялық "Реале Сосьедад", "Валенсия" және "Сельта", мәскеулік "Спартак" клубтары сапында өнер көрсетсе, бапкер ретінде "Спартак", "Мальорка" және "Торпедо" клубтарын жаттықтырған.

Әлеуметтік желілерде бөлісу