"Қайрат" Иво Иличевичпен келісімшартты ұзартты

Сурет "Қайрат" клубының ресми сайтынан алынды.

Алматылық "Қайраттың" жартылай қорғаушысы Иво Иличевич командамен келісімшартын ұзартты, деп хабарлайды клубтың ресми сайты.

"Кейбір БАҚ беттерінде "Қайрат" клубының жартылай қорғаушысы Иво Иличевичтің алматылық клуб сапынан кететінін жазып жатыр. Бірақ бұл ақпарат шындыққа сай келмейді. Клуб басшылары мен бапкерлері келер маусымда бұл футболшыны келер жылы команда сапында көргісі келеді.

Жартылай қорғаушымен келісімшарт бір жылға ұзартылды. Енді ол 2019 жылдың 31 желтоқсанынан дейін командада болад", - делінген клуб таратқан мәліметте.

"БАҚ беттерінде жазылған барлық сыбыстарды жоққа шығарғым келеді. Қазіргі уақытта менің барлық ойын мен мақсаттарым бір ғана клуб, "Қайратпен" байланысты. Келісімшартты ұзартып, ары қарай да клуб сапында қала беретініме қуаныштымын. Маған бұл командада ойнаған ұнайды. Келер жылы ұжымға көмектесемін деп ойлаймын", - дейді Иличевич.

Еске салайық, 31 жастағы Иличевич "Қайрат" сапына 2017 жылдың басында қосылған болатын. Алматылық клуб сапында ол жалпы барлық турнирлерде 26 кездесуге қатысып, тоғыз гол соғып, бес нәтижелі пас берді. Шілде айында ол жарақат алып, маусым соңына дейін қатардан шығып қалды.

Әлеуметтік желілерде бөлісу