Еурокубоктарда ел намысын қорғайтын үш клуб белгілі болды

Сурет "Астана" клубының ресми сайтынан алынды.

Қазақстан біріншілігінің аяқталуына үш тур қалғанда келер маусымда Еурокубоктық додаларда ел намысын қорғайтын үш клуб белгілі болды, деп хабарлайды KazFootball.kz порталы.

Келер маусымда Еуропа алаңдарында шымкенттік "Ордабасы", алматылық "Қайрат" және елордалық "Астана" клубтары ойнайлы. Ал төртінші жолдама "Ертіс" (41), "Тобыл" (40), "Шахтер"(36), "Қайсар" (35) немесе "Атырау" (32) клубтарының біріне бұйыруы мүмкін.

Айта кетейік, Қазақстан Премьер-лигасының 30 турынша "Ордабасы" өз тарихында бірінші рет қола жүлдегер атанып, енді келер жылы шымкенттік команда Еуропа лигасында өнер көрсетуге мүмкіндік алды.

Ал Чемпиондар лигасында өнер көрсетуге мүмкіндік беретін ел біріншілігінің алтын жүлдесі кімге бұйыратыны әлі белгісіз болып тұр. Қазіргі уақытта турнир кестесін 73 жинаған "Астана" бастап тұрса, 69 ұпайы бар "Қайрат" екінші орынға жайғасқан. Бірақ алматылық клубтың бір ойыны артық.

Әлеуметтік желілерде бөлісу