ЦСКА өкілі Жерар Гоудың мәскеулік клуб сапына өту туралы мәліметке пікір білдірді
ЦСКА клубының селексиялық қызметінің төрағасы Олег Яровинский Vesti.kz порталының тілшісіне алматылық "Қайрат" клубының шабуылшысы Жерар Гоудың мәскеулік клуб сапына өту туралы мәліметке байланысты пікірін білдірді.
Еске сала кетейік, Жерар Гоудың ЦСКА сапына ауысуы мүмкін деген ақпарат Life.ru порталында шыққан болатын. Порталдың ақпараты бойынша, бүгінде шабуылшыға мұқтаж болып жүрген мәскеулік клубтың скауттары "Қайраттың" шабуылшысын соңғы екі айдан бері бақылап келеді екен.
"Қауесет туралы ешқандай пікір білдіргім келмейді. Мұндай ақпарат жайлы бірінші рет естіп тұрмын", - дейді Яворсикий.
Айта кетейік, Жерар Гоудың алматылық клубпен 2017 жылдың 31-желтоқсанына дейін келісім-шарты бар. Ивуарлық шабуылшы "Қайрат" сапына 2014 жылдың жазында ауысып келген болатын. Сол уақыттан бері ол Қазақстан біріншілігінде 85 кездесуге қатысып, 63 гол және 18 нәтижелі пас берді. Одан бөлек, 22 голмен өткен Қазақстан біріншілігінің үздік сұрмергені атанды.
Загрузка матч-центра...
Жарнама