Ресейлік "
Зенит" клубының спорттық директоры
Константин Сарсания "СЭ" басылымына алматылық "
Қайраттың" жартылайқорғаушысы
Андрей Аршавиннің қайтып оралуы жөнінде айтып берді.
- "Қайратпен" ешқандай келіссөз жүргізген жоқпыз. Бұл ақпарат шындыққа жанаспайды, – дейді Сарсания. - Тек Андрейдің өзіне хабарласып, хал-жағдайын сұрадым. Басқа әңгіме болған жоқ.
- Бұл Андрейдің "Зенитке" ауыспайтынын білдіре ме?
- Білесіз бе, еш уақытта "ешқашан" деп айтуға болмайды. Бірақ әзірге оның қайтып оралуы жайында әңгіме тек бос сөз.
Айта кетейік, Аршавин "Зенит" сапында 2000-2008 жылдары, 2012 жылы және 2013-2015 жылдары өнер көрсеткен. Ресейлік футболшы мен "Қайрат" арасындағы келісімшарт 2017 жылдың соңына дейін жасалған.
Жарнама