Фристайл-акробатикадан Бейжің Олимпиадасының финалдық кезеңі аяқталды. Ақтық сында өнер көрсеткен Ақмаржан Қалмұрзаева жүлдеге іліге алмады, деп жазады Vesti.kz тілшісі.
Финалдық кезеңнің бірінші мүмкіндігінде Қалмұрзаева 4,028 қиындығымен жаттығуға тапсырыс берген. Дегенмен жаттығу барысында құлап, 52,36 ұпай алды.
Ал екінші жаттығуда отандасымыздың сол аяғы тайып кетіп, трамплинге жетпеді. Сөйтіп ол жүлдеге таласатын спортшылардың арасына қосыла алмады.
Бірақ ұйымдастырушылар оған тағы бір қосымша мүмкіндік берді. Оны Ақмаржан сәтті қолданып, жаттығуды дұрыс орындады. Дегенмен төрешілер тарапынан төмен ұпай алып, тек 11-орынға табан тіреді.
Еске салайық, бұған дейін осы бағдарламада өнер көрсеткен Жанбота Алдабергенова финалға шыға алмай қалған еді.