Илья Ильин мен үшін чемпион болып қала береді - Назарбаев

Мемлекет басшысы "Этноауыл" ұлттық-мәдени кешенін аралау барысында ауыр атлетикадан Қазақстан спортшысы Илья Ильинмен әңгімелесті, - деп хабарлайды Tengrinews.kz тілшісі. Видеоны Ақорданың баспасөз қызметі Instagram желісінде жариялады.

"Мен өзіне де айтқанмын, ол мен үшін чемпион болып қала береді", - деді Мемлекет басшысы Ильинге.

Айта кетейік, қазіргі уақытта Ильин АҚШ-та білім алып жатыр, тіл меңгеріп, спорт менеджментін оқу үстінде. Ал қолы бос уақытта штаттарға барып, ауыр атлетикамен айналысатындарға шеберлік дәрістерін өткізеді.

Еске салайық, 2016 жылдың 23 қарашасында Халықаралық Олимпиада комитетінің Илья Ильинді 2008 және 2012 жылғы Олимпиадаларында алған екі алтын медалінен айыратыны хабарланған еді. Бұған допинг-сынамаларды қайта тексеру барысында тыйым салынған заттардың болуы себеп.

Мемлекет басшысы «Этноауыл» ұлттық-мәдени кешенін аралау барысында ауыр атлетикадан Қазақстан спортшысы Илья Ильинмен әңгімелесті. Астана қаласы В ходе посещения национально-культурного комплекса «Этноаул» Глава государства побеседовал с казахстанским тяжелоатлетом Ильей Ильиным

Публикация от AkordaPress (@akordapress) Авг 13 2017 в 5:22 PDT