Волейболшы жігіттер әлем чемпионатының іріктеу кезеңін жеңіліспен бастады

Қазақстандық волейболшы жігіттер Иранда өтіп жатқан әлем чемпионатының іріктеу кезеңінде Қытай құрамасына 3:1 есебімен жеңіліп қалды.

Қазақстан құрамасы алғашқы екі кезеңде Қытай волейболшыларына ешқандай қарсылық таныта алмай ұтылып қалды. Үшінші кезеңде есін жиа білген Игорь Никольченконың шәкірттері есеп айырмасын қысқартқан. Алайда төртінші партияда қытайлық волейболшылар басымдылықта қайтадан қолдарына алып, 2 ұпай айырмашылығымен жеңіске жетті. Қорытынды есеп: 15:25, 21:25, 25:22, 23:25.

Топтағы екінші ойында Катар мен Оңтүстік Корея кездесіп, 3:2 есебімен Катар волейболшылары жеңіске жетті. Ал алаң иелері Иран құрамасы алғашқы турда ойын өткізбеді.

Осылайша, бірінші ойын күнінен кейін топта Қытай (3 ұпай) құрамасы көш бастап келе жатыр. Одан кейін Катар (2), Оңтүстік Корея (1) жайғасқан. Иран мен Қазақстанда ұпай жоқ, дегенмен Иран әлі ойын өткізбеді.

Айта кетейік, іріктеу кезеңінде үздік нәтиже көрсеткен 2 құрама әлем чемпионатына жолдама алады.

Әлеуметтік желілерде бөлісу