Бакуде "Grand Slam" турнирінің жеребесі тартылды

Сурет ҚДФ ресми сайтынан

Әзірбайжан астанасы Баку қаласында 9 наурыз күні халықаралық "Grand Slam" турнирінің жеребе тарту рәсімі өтті, деп хабарлайды Қазақстан дзюдо федерациясының баспасөз қызметі.

Әлемнің 31 елінен 183 спортшы қатысатын бұл додада Қазақстан ұлттық құрама сапынан 14 дзюдошы ел намысын қорғайды. Жарыстың бірінші күнінде спортшылар бес салмақ бойынша өзара мықтыны анықтайды.

Сонымен, 10 наурызда мына салмақ дәрежесіндегі спортшылар бақ сынайды:

Әйелдер: -48 кг, -52 кг, -57 кг

Ерлер: - 60 кг, -66 кг

Аталған салмақ бойынша 10 наурызда Қазақстаннан 7 спортшы татамиге шығады.

Жеребе бойынша 60 келіде «А» тобына түскен Қырғызбаев Ғұсман алғашқы айналымда венгриялық Сзабо Шабумен белдеседі. Оны ұтқан жағдайда Рио Олимпиадасының қатысушысы, жергілікті балуан Орхан Сафаровпен кездеседі. Осы салмақта «В» тобына түскен тағы бір жерлесіміз Рустам Ибраев алғашқы белдесуін Моңғолияның жас спортшысы Сағынбайұлы Байаманмен белдеседі.

66 келіде отандасымыз Есімбетов Ғабит грузин Гюнашвили Лашаға қарсы күрессе, дәл осы салмақтағы екінші спортшымыз Қырғызбаев Ғұсман Молдованың жас дзюдошысы Виеру Дениспен кездеседі.

52 келідегі бұрымды балуанымыз Түйтекова Айкүнімнің алғашқы қарсыласы – Поп Рика (Венгрия).

57 келідегі Казюлина Анна бірінші белдесуінде жергілікті балуан Шахин Лейламен күреседі. Оны ұтқан жағдайдада екінші отандасымыз Нышанбаева Сервера екеуі ширек финалдық жолдамаға таласады.

Халықаралық "Grand Slam" турнирі 10-12 наурыз күндері Әзірбайжан астанасы Баку қаласында өтеді. Жарыс күн сайын Астана уақытымен сағат 12:00-де басталады.

Әлеуметтік желілерде бөлісу