"Анау Головкин емес пе? Денем түршігіп кетті" - "Барыс" ойыншысы

Константин Климонтов. Youtube-тен алынған кадр

"Барыс" хоккей командасының қорғаушысы Константин Климонтов ҚХЛ-дегі ЦСКА-мен матчтен кейін Vesti.kz тілшісіне трибунада Геннадий Головкин отырғаны қалай әсер еткенін айтып берді. Бірақ әңгіме мәскеуліктермен ойыннан басталды.

- Қарсылас неге өз ойынын жүргізе алмады?
- ЦСКА агрессиялы ойынымен белгілі. Тактикаларына назар аударсаңыз, олар жылдам ауысулармен қысым жасайды. Қорғаушы ретінде үлкен жұмыс атқаруға тура келді. Сондықтан үнемі қарымтаға шығып отырдық. Қарсы шабуыл жасап, ығайлы сәтті пайдаланайық дегенбіз, болмады.

- Командаға бейімделу қалй өтіп жатыр?
- Әр ойын сайын сенімділік артып келеді. Бүгін алғаш рет өз мұзайдынымызда ойнадық. Үлкен жауапкершілік. Жанкүйерлер алдында сенімді ойнап, жұмысымызды сапалы орындағымыз келді. Микроматчтерде қолдан келді, бірақ, командалық нәтижемен болғаны өкінішті... Аздап сәттілік жетпеді. Шеттеу ойын ретін бұзды.

- Матчтың атмосферасы қалай?
- Стадион лық толды, тамаша. Матчте Головкин болды-ау деймін?! Міне керемет! Өне бойым жыбырлап кетті. Қуаныштымын. Қазақстанда хоккейді ұнатады. Келіп жүргендері үшін жанкүйерлерге рахмет. Солар үшін тырысып, жеңіске жетемін.

Айта кетейік, "Барыс" екі рет те жақсы ойын көрсеткенімен, овертаймда ЦСКА командасынан ұтылды. Осылайша, қазақстандық команда ҚХЛ-дегі жеңістер легін үзіп алды.

Еске салайық, орта салмақта WBC, WBA, IBF және IBO тұжырымы бойынша бұрынғы чемпион қазақстандық Геннадий Головкин 3 қазанда Астанда өткен "Барыс" пен мәскеулік ЦСКАойынын тамашалады.

Әлеуметтік желілерде бөлісу