Астаналық "Барыс" ҚХЛ тұрақты чемпионаты аясында "Ладаға" қарсы матч өткізді, деп хабарлайды Vesti.kz.
Тольятти қаласында өткен кездесу 2:1 есебімен ресейлік команданың пайдасына аяқталды.
Жетінші минутта тольяттиліктердің шабуылшысы Иван Романов есеп ашты. Екінші голды "Лада" ойыншысы Остап Сафин 34-минутта салды.
"Барыс" сапынан 38-минутта Понтус Оберг бір шайбаны қарсылас қақпасына сала алды.
Осылайша, астаналық команда қатарынан үшінші ойын ұтылып отыр. 20 қазанда өтетін келесі матчте "Барыс" сырт айдында "Сочимен" ойнайды.