ҚХЛ қандай жағдайда "Барыс" өз айдынындағы матчтарын Алматыда өткізетінін айтып берді

©hcbarys.kz

Құрлықтық хоккей лигасы "Барыстың" үйдегі матчтарын Астада ғана емес, Алматыда да өткізу мүмкіндігі туралы пікір білдірді, - деп хабарлайды Vesti.kz.

Мұның алдында бұл ұсынысты спорт менеджері Дидар Сағадиев жасаған болатын. 2017 жылғы қысқы Универсиаданы ұйымдастыру және өткізу бойынша дирекциясының аппарат басшысы хокей клубының ҚХЛ-дағы қарсыластарымен тек "Барыс-Аренада" ғана емес, "Алматы-Аренада" да ойнай алар еді деген болатын.

Vesti.kz редакциясының сауалына ҚХЛ баспасөз қызметінің өкілдері Лига регламенті клуб ұсынған ареналар санын шеттемейтінін, алайда, барлығы стандартқа сай болуы керек деп жауап қайтарды.

"ҚХЛ регламенті клуб өз матчтарын өткізетін ареналар санына шектеу қоймайды. Басты шарт - аренаның регламент талаптарына сай болуы. Егер "Барыс" клубы екі бөлек қаладағы екі аренада матч өткізгісі келетіні туралы өтініш жолдаса, Лига бұл мәселені қарастыруға дайын", - делінген хабарламада.

Айта кетейік, қалай болғанда да "Барыс" үйдегі матчтарын Алматыда тек келесі маусымнан бастап қана өткізе алады.

Қазір астаналық клуб Гагагрин кубогына қатысып жатыр. Бүгін Астана уақыты бойынша 20:00-де "Барыс" Магнитогорск қаласында жартылай финалдың алғашқы матчында "Металлурге" қарсы ойнайды.

Әлеуметтік желілерде бөлісу