Тартысты талас. "Барыс" қонақтағы соңғы матчінде жеңіске жетті

"Барыс" ХК баспасөз қызметі

"Барыс" хоккейшілері ҚХЛ тұрақты чемпионатында "Тракторды" жеңді, - деп хабарлайды Vesti.kz.

18 қазан Челябіде өткен ойынның негізгі уақыты 4:4 есебімен аяқталды, ал овертаймда "Барыс" жеңіске жетті. Ойын протоколымен мына жерде таныса аласыз.

Ойынның 12-ші минутында "Трактор" шабуылшысы Александр Шаров есеп ашты.

Екінші кезең тартысты өті. 24-ші минутта "Барыстың" швециялық форварды Андре Петерссон есепті теңестірді. Алайда "Трактор" ойыншылары 27-ші минутта Антон Галкин және 36-шы минутта Александр Рыпаков азшылықта қалғанына қарамастан шайбасын астаналықтар қақпасына дәл бағыттады. Бұған жауап ретінде астаналықтардың каптианы Брэндон Боченски шайба салды. Бірақ 39-шы минутта Шаров дубль жасады.

Үшінші кезең алдында "Барыс" қақпашы ауыстырды - чех Доминик Граховиннің орнына Хенрик Карлссон шықты. Осылайша, швед қақпаға бір шайба кіргізбеді, ал астаналықтар есепті теңестіре алды: 55-ші минутта қорғаушы Джесси Юлэкер көзге түсті, ал ойын аяқталуға 29 секунд қалғанда канадалық Мэтт Фрэттиннің шайбасын видеоқайталаудан кейін есепке алды.

Овертаймда - 62-ші минутта Фрэттиннің пасын алған "Барыс" капитаны дубль жасады.

Бұл ойын "Барыс" үшін қонақтағы соңғы кездесу болды. Он жеңіске жеткен астаналық команда 24 ұпаймен Шығыс конфедерациясында алтыншы келеді.

Енді "Барыс" өз мұзайдынында 5 матчтық серия өткізеді. Алғашқы қарсыласы Минск "Динамосы". Ойын 22 қазан Астана уақытымен 19:30-да басталады.

Әлеуметтік желілерде бөлісу