"Барыс" капитаны Найджел Доус ҚХЛ-да ең көп жалақы алатын хоккейшілердің қатарына енді

Сурет "Барыс" клубының ресми сайтынан алынды.

Ресейлік Sports.ru порталы Құрлықтық хоккей лигасында (ҚХЛ) ең жоғары жалағы алатын хоккейшілердің тізімін жариялады. Бұл ақпаратты порталға хоккей нарығының дереккөздері, клуб менеджерлері, агенттер және хоккейшілердің өздері ұсыныпты.

Портал ұсынған хоккейшілердің жалақылары таза қолына түсетін айлық екен. Яғни, мұндай салыққа алынатын және жеңістер үшін қарастырылған қосымша сыйақылар ұсынылмаған.

Рейтингке жалақысы жылына 1,2 миллион доллардан асатын 53 хоккейші кіріпті. Оның ішінде "Барыстың" бір ойыншысы бар. Ол елордалық клубтың капитаны - Найджел Доус. Доус ресейлік үздік клубтардың хоккейшілерінен кейін екінші ондыққа жайғасқан. Сайттың мәліметі бойынша, оның бір жылдық жалақысы 1,4 миллион доллар. Осылайша ол 14-орынға жайғасқан.

Тізімнің көш басына СКА ойыншылары Илья Ковальчук пен Павел Дацюк тұр. Олардың жалақысы 4,4 миллион доллар. Екінші орында тағы бір питерлік клубтың хоккейшісі Вячеслав Войнов орналасқан. Оның жалақысы 3,1 миллион доллар.

Үздік үштікті үш ойыншы түйіндеп тұр. Олар - Микко Коскинен (СКА), Андрей Марков (Ак Барс) және Илья Сорокин (ЦСКА). Бұл хоккейшілердің жалақысы 2,6 миллион доллар.

Еске салайық, 30-сәуір күні "Барыспен" келісімшарты аяқталатын Найджел Доус жуық арада ҚХЛ-да өнер көрсететін басқа командаға ауысуы мүмкін.

Әлеуметтік желілерде бөлісу