Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Қазақстан ауыр атлетика федерациясы Ұлттық құраманың әлем чемпионатынан шеттетілгеніне байланысты пікір білдірді

Мұндай жаза 2008, 2012 жылғы допинг дауына байланысты шықты.


wfrk.kz
wfrk.kz
Қазақстан ауыр атлетика федерациясы Ұлттық құраманың 2017 жылы өтетін әлем чемпионатынан шеттетілгеніне байланысты ресми
пікір білдірді. 

Еске салайық, 30 қыркүйек күні күні ауыр атлетикадан Қазақстан ұлттық құрамасының 28 қараша мен 5 желтоқсан аралығында АҚШ-тың Анахайм қаласында өтетін әлем чемпионатына қатыспайтыны белгілі болды. Оған себеп қазақстандық спортшылардың Олимпиада ойындарында допинг дауына көп іліккені болған. 

"30 қыркүйек пен 1 қазан күндері Румынияның астанасы Бухарест қаласындағы Халықаралық ауыр атлетика федерациясы (IWF) Атқарушы комитетінің кезектен тыс отырысы өтті. Бұл жиында IWF басты мәселелері қарастырылды. Оның ішінде халықаралық додалардағы спортшылардың салмақ дәрежелері мен Олимпиада ойындарына іріктеудің қалай өтетіні және басқа да сауалдар көтерілді. 

Бұл жиын кезінде БАҚ өкілдері мен Халықаралық Олимпиада комитетінің назарын федерацияның допингке қарсы шаралары мен саясаты аударды. Өйткені, бұрнағы күні 2008 жылғы Бейжіңдегі және 2012 жылғы Лондон Олимпиадасындағы допинг дауының көп шығып кетуіне байланысты, ХАлықаралық Олимпиада комитетінің қатаң бақылауына алынған болатын. 

Айта кетейік, 2016 жылдың маусым айында Тбилисидегі IWF-тің Атқарушы комитетінің отырысынан кейін 2008 және 2012 жылғы Олимпиада ойындарында үш немесе одан да көп рет допинг дауына іліккен елдердің бір жылғы барлық халықаралық бәсекелерден шеттетілгені белгілі болған. Бұл тізімге қазіргі уақытта ауыр атлетика спортында алдыңғы қатарда келе жатқан тоғыз ел іліккен еді. Олардың ішінде Қазақстан ұлттық құрамасы да бар. 

Бухарестте өткен жиында Атқарушы комитеті "Тбилисиде тіркелген" шешімді тағы да нақтылап, бұл шешімді арнайы комиссияның бақылауымен орындауды талап етудің жолдарын қарастырды. 

Қазақстан ауыр атлетика федерациясы бұл сұрақ қарастырылған барлық жиында мұндай жазаға тартылуға лайықты емес екенін айтып келді. Сондықтанда Қазақстан ауыр атлетика федерациясының басшылары да түгелімен ауысқан. Қазақстанда допингке қарсы жұмыс қатаң назарға алынған. Оның нәтижесі бойынша 2016 және 2017 жылдары бірде-бір қазақстандық ауыр атлеттің қанынан рұқсат етілмеген дәрумен табылмаған. Бұл мәліметтердің барлығы да IWF-тің Атқарушы комитетіне берілген. 

Бухаресте өткен Атқарушы комитеттің жиынында біздің елден маусым айынан бастап IWF-тің вице-президенті болып таңдалған 
Қазақстан ауыр атлетика федерациясының президенті Жанат Түсіпбеков қатысты. 

IWF-тің таратқан ресми мәліметі бойынша, отырыста шешілген барлық сұрақтар мен мәселелер шеттетілген тоғыз елдің федерацияларына қазан айының ортасында жіберіледі. 

Қазіргі уақытта Қазақстан ауыр атлетика федерациясының өкілдері жазаның Қазақстанның жастар және жасөспірімдер құрамаларына әсер етпеуі туралы мәселеге байланысты жұмыс істеп жатыр. Сонымен қатар Қазақстан өкілдері Халықаралық және Азияның ауыр атлетика федерациясы құрамында жұмыс істеу бері туралы мәселені де шешіп жатыр. 

Бұл жиыннан кейін негізгі жаза Қазақстан ұлттық құрамасына 12 айға тағылады деп күтілуде. Бұл жаза арнайы комиссияның шешімі бойынша өзгертілуі де ықтимал. Комиссия тоғыз елдің допингке қарсы жұмыстарына сараптама жасап отырады. Егер бұл оң нәтиже берсе, жаза да жеңілдетіледі", - делінген Қазақстан ауыр атлетика федерациясының ресми сайты таратқан түсініктемеде. 





  Пікір: 0
  0