Күрес түрлерінен Парижде өтіп жатқан әлем чемпионатында
Мейрамбек Айнағұлов финалға шықты. Грек-рим күресінен 59 келіге дейінгі салмақта жарыс жолына шыққан отандасымыз бірер сағаттан кейін алтын жүлде үшін белдесетін болады.
Мейрамбек бірінші белдесуінде мысырлық
Мустафа Хассан Абделал Мұхамедті 4:1 есебімен жеңіп шықты. 1/8 финалда үнді балуаны
Гианандер Гианандерге айқын басымдығын танытты. Ширек финалда украин балуаны
Дмитро Цумбалюктан 7:5 есебімен айласын асырды.
Жартылай финалда отандасымыз кәріс балуаны
Ким Сион Хакпен белдесті. Алғашқы минуттарда қарсыласы ұпай көрсеткіші бойынша алға озғанмен, Мейрамбек міз бақпады. Өз сәтін күтіп, кәріс балуанын 4:2 есебімен жеңіп шықты.
Финалда
Мейрамбек Айнағұлов жапон балуаны
Кенхиро Фумитамен әлем чемпионы атағына таласатын болады. Белдесу Астана уақытымен сағат 23:00-де басталады.
Айта кетейік, кеше 71 келіге дейінгі салмақта
Демеу Жадыраев күміс медальға ие болған еді.
Жарнама