БАҚ "Баварияның" жаңа бапкерінің есімін жариялады

"Бавария" клубының жаңа бапкері Юпп Хайнкес болады, - деп хабарлайды Bild.

Басылым мәліметінше, 72 жастағы маман Германия чемпиондарымен осы маусым аяқталғанға дейін жұмыс істейді. "Бавария" басшылары Ули Хенесс пен Карл-Хайнц Румменигге осы бапкерді алуды жөн көрген, алайда дортмундтық "Боруссияны" жаттықтыратын Томас Тухель мен "Хоффенхайм" бапкері 30 жастағы Юлиан Нагельсманнан ұсыныстар түскен.

28 қыркүйекте "Бавария" Карло Анчелоттиді Чемпиондар лигасында ПСЖ (0:3) командасымен өткен ойыннан кейін жұмыстан босатқан еді. Германия чемпионатының жетінші кезеңінде мюнхендіктер 14 ұпаймен екінші орында тұр, ал көшбасшы - дортмундтық "Боруссия".

Анчелотти "Баварияны 2016 жылдан бері жаттықтырып келеді. Италиялық бапкердің септігімен клуб чемпионатты және Германия Суперкубогын жеңіп алған болатын.

Хайнкес "Баварияны" 1987 жылдан 1991-ге дейін, 2009 жылы, 2011-ден 2013-ке дейін басқарды. Ол 2012/2013 маусымында чемпионатты, Германия кубогын және Чемпиондар лигасын жеңгеннен кейін қызметінен кеткен болатын.

Әлеуметтік желілерде бөлісу