Қақпашы Эрич Қазақстан құрамасының Грузиямен өткен ойын туралы өз ойын білдірді

Ненад Эрич (ортада). ©Vesti.kz/Жигер Абенов

Қазақстан құрамасының әрі "Астана" клубының қақпашысы Ненад Эрич Ұлттар лигасының бірінші ойынында Грузия құрамасы лайықты жеңіске жеткенін айтады, - деп хабарлайды Vesti.kz.

Қазақстан құрамасы D дивизионына түсті, онда еліміздің ойыншыларына қарсы Грузия, Латвия және Андорра футболшылары өнер көрсетеді. Астанада өткен ойын 0:2 есебімен грузиялықтардың пайдасына шешілді. Ұлттар лигасының алғашқы голын грузин футболшысы соқты. Грузия құрамасының әрі бельгиялық "Гента" клубының жартылайқорғаушысы Георги Чакветадзе ойынның 69-шы минутында есеп ашты. Бес минут өткенде Қазақстандық қорғаушы Сергей Малый автогол жіберіп алды.

"Тең ойын болды дейсіздер ме, тең болмады, есеп 0:2. Біріншікезеңде жақсы ойын көрсеттік. Екінші таймда бірнеш қателік жібердік, гол жіберіп алдық. Қонақтар бүгін лайықты түрде жеңіске жетті деуге болады. Иә, біз ойнадық, инициатива да болды, алайда дәлдік жетіспеді. Алайда біз ары қарай жылжимыз. Жанкүйерлерге рақмет, келгені үшін, қолдағаны үшін. Жеңе алмағанымыз өкінішті-ақ. Бірақ бұл футбол", - деді Эрич.

Айта кетейік, Эрич үшін бұл ойын Қазақстан құрамасының сапында ресми түрде бірінші рет өнер көрсетуі. Сербия тумасы осыған дейін үш жолдастық кездесуге қатысты.

Әлеуметтік желілерде бөлісу