"Тобыл" ағылшын клубына күтпеген пиар жасағаны үшін алғыс білдірді

Сурет "Уотфорд" ФК сайтынан

"Тобыл" директоры Николай Панин қостанайлық клубтың ойын формасының дизайны ағылшын премьер-лигасында өнер көрсетіп жүрген "Уотфорд" клубымен бірдей болып шығуына байланысты пікір білдірді.

"Уотфорд" пен "Тобыл" клубтарының қонақта ойнайтын формасы барлық қырынан бірдей болып шықты, алайда қазақстандық клуб бұл формамен наурыздан бері өнер көрсетіп келеді. Ал ағылшындық клуб АПЛ жаңа маусымында тек 12 тамызда алаңға шығып, "Брайтон" командасын 2:0 есебімен жеңді.

"Қазақстандағы Adidas өкілінің бізге түсіндіру бойынша, форма таңдау - бұл әр команданың өз таңдауы. Ағылшындық клубтың дәлме-дәл осы форманы таңдауда аса бір қиындықтар жоқ. Мұндай жағдайлар болып тұрады. Қостанайлық клуб бұл формаға эксклюзивті құқығы жоқ, сол себепті ағылшын клубына күтпеген пиар үшін алғыс білдіру ғана қалды", - деп жазады "Тобыл" баспасөз қызметі Паниннің сөзін.

Новые формы «Тобола» и «Уотфорда» из АПЛ. Но казахстанский клуб играет в ней еще с весны #тобол #казахстан #kazahstan #epl #watford #футбол #форма

Публикация от Eurosport Russia (@eurosport.ru) 11 Авг 2018 в 2:34 PDT

Бұрындары да көкшетаулық "Оқжетпес" клубының формасын ағылшындық "Лестер" көшіріп алған еді.

#lcfc's 2018/19 @adidasfootball white away kit - on sale now!

➡️ https://t.co/1xCmbt4zr6 pic.twitter.com/71fAMZZ6LT
— Leicester City (@LCFC) 1 августа 2018 г.