Футболдан "Президент кубогы" Талғарда өтеді

Қазақстан футбол федерациясының Талғар қаласында (Алматы облысы) орналасқан ұлттық құрамалар базасында 4-8 қыркүйек аралығында футболдан 10-шы Халықаралық жасөспірімдер турнирі - «Қазақстан Республикасы Президентінің Кубогы» жарысы өтеді. Турнирге 17 жасқа дейінгі футболшылар қатысады. Бұл туралы Қазақстан футбол федерациясының ресми сайты хабарлады.

- Турнир осымен оныншы рет ұйымдастырылады. Жыл сайын жарысқа турнирде биік мақсаттар қоятын мықты құрамалар келеді. Ал, 17 жасқа дейінгі Қазақстан жасөспірімдер құрамасы Еуропа Чемпионатының іріктеу турниріне дайындық жүргізеді. Сол себепті Президент Кубогының ойындарын Талғардағы табиғи алаңда өткізуді жөн деп шештік. Талғардағы база барлық жағдай жасалғандықтан, қатысушыларға ұнайды деп үміттенеміз. Осы сәтті пайданалып, барлық жанкүйерлерді осы турнирге шақырамыз. Ал, қатысушы командаларға сәттілік тілеймін!, - дейді Қазақстан футбол федерациясының спорт директоры Игорь Утробин.

12 тамыз күні өткен жеребе қорытындысы бойынша қатысушы командалар екі топқа бөлінді:

"А"  тобы                                                                                                "В" тобы

Қазақстан                                                                                                     Қырғызстан

Түркіменстан                                                                                              Тәжікстан

Албания                                                                                                        Ресей

Грузия                                                                                                           Өзбекстан

Турнир күнтізбесі:

4 қыркүйек, 1-ойын күні (Талғардағы ұлттық құраманың базасы):

10:00 – Қырғызстан – Тәжікстан;

12:00 – Ресей – Өзбекстан;

14:00 – Албания – Грузия;

17:00  Турнирдің ресми ашылу салтанаты (Талғардағы ұлттық құраманың базасы);

17:30 – Қазақстан – Түркіменстан.

5 қыркүйек, 2-ойын күні (Талғардағы ұлттық құраманың базасы):

10:00 – Ресей – Қырғызстан;

12:00 – Өзбекстан – Тәжікстан;

14:00 – Грузия – Түркіменстан;

17:30 – Қазақстан – Албания.

6 қыркүйек, демалыс күні

7 қыркүйек, 3-ойын күні, (Талғардағы ұлттық құраманың базасы):

10:00 – Өзбекстан – Қырғызстан;

12:00 – Тәжікстан – Ресей;

14:00 – Түркіменстан – Албания;

17:30 – Қазақстан – Грузия.

8 қыркүйек, ынталандыру матчтары және финал  (Талғардағы ұлттық құраманың базасы):

10:00 – 7-8 орын үшін матч;

12:00 – 5-6 орын үшін матч;

14:00 – 3-4 орын үшін матч;

АДК спорт кешені, Алматы қаласы:

18:00 – Финал.

Ойын аяқталғаннан кейін марапаттау рәсімі өтеді.