Месси Ла Лигадағы бомбардирлер рекордын жаңартты

"Барселона" шабуылшысы Лионель Месси карьерасында жетінші рет Испанияның ең мықты бомбардирі болды.

Месси 33 матчте 25 гол салып, "Реал" форварды Карим Бензема (37 матчте 21) мен "Вильярреал" шабуылшысы Жерар Моренодан (35 ойында 18 гол) асып түсті.

Мұның алдында Месси "Пичичи" трофейін ұтып алған еді. Бұл 2010, 2012, 2013, 2017, 2018 және 2019 жылғы маусымдардың қорытындысы бойынша берілді. Мұның алдындағы рекордсмен Тельмо Зарра алты рет Ла Лиганың үздік бомбардирі атанған. 

Месси бомбардирлер жарысында төртінші жыл қатарынан бірінші келеді, осы маусымда ол турнирдің ең мықты ассистенті болды - 21 нәтижелі пас. Бұл тізімде екінші "Сосьедад" хавбегі Микель Ойарсабаль (11), үшінші "Барселона" шабуылшысы Луис Суарес (8).