Жанкүйерлер "Бешикташ" бапкерінің иығына қазақ шапанын жапты

Түркиялық "Бешикташтың" бас бапкері Шенол Гюнешті иығына қазақ шапаны жабылды, - деп хабарлайды Sabah.com.tr.

Бапкерге шапанды Түркиядағы қазақ диаспорсының "Бешикташ" жанкүйерлері тарту еткен. Сонымен бірге, команда басшысы Ахмет Кавалчиге де шапан табысталды.

66 жастағы Гюнеш "Бешикташты" 2015 жылдан бері жаттықтырып келеді. Осы уақытта клуб екі рет ел чемпионы атанды, алайда, былтыр тек төртінші болды.

Биылғы маусымның бірінші айналымында "Бешикташ" алтыншы келеді, осылайша, көшбасшы болып тұрған "Истанбулдан" тоғыз ұпай қалып отыр.

2002 және 2004 жылдар аралығы Гюнеш Түркия құрамасын жаттықтырды, 2002 жылы командамен бірге әлем чемпионатының қола жүлдесін ұтты. Клубтардан "Трабзонспор", "Болуспор", "Истанбулспор", "Антальяспор", "Сакарьяспор" және "Бурсаспор", ал Оңтүстік Кореяда "Сеулды" жаттықтырған.

Мұның алдында футболшылардан Криштиану Роналду мен Диего Марадона, ал боксшылардан Мэнни Пакьяоның иығына қазақ шапаны жабылған еді.

Kazak Türkleri olarak Beşiktaş'ın, Akhisarspor maçı öncesi Manisa'da kamp yaptığı oteli ziyaret ettik. Şenol Güneş'e ve Beşiktaşlı yönetici Ahmet Kavalcı'ya Milli kıyafetlerimizi hediye ettik. pic.twitter.com/yFwx5ph6t4
— Samet Baştaş (@sametbastas) 17 января 2019 г.