Ресей премьер-лигасының "Ростов" футбол командасы ресми сайтында "Рубин", ЦСКА және "Спартактың" бұрынғы жартылай қорғаушысы Роман Еременкомен келісімшарт жасасқанын жариялады, - деп хабарлайды
Vesti.kz.
31 жастағы хавбекпен келісімшарт 2,5 жылға есептелген.
Айта кетейік, Ресей чемпионы болған Еременко 2017 жылы кокаин қолданғаны үшін екі жылға шеттелген болатын.
"2014 жылы ЦСКА-ға өтті де, клуб көшбасшыларының бірі болды. Еременко мәскеулік команда үшін 59 матч өткізді және 19 гол соқты. 2014/15 маусымының қорытындысы бойынша лига тұжырымынша чемпионаттың үздік ойыншысы деп мойындалды. Финляндия құрамасы сапында ойнады және үш рет осы елдің үздік футболшысы атанды", - делінген клуб хабарламасында.
Мұның алдында "Ростов" тағы да бір жартылай қорғаушы - 20 жастағы Қазақстан құрамасының ойыншысы Бахтиер Зайнутдиновпен келісімшарт жасасқан еді.
Жарнама