Қазақстандық футболшы Али Алиев петропавлдық "Қызыл-Жар СК" футбол командасын жаттықтыратын болды, - деп хабарлайды клубтың баспасөз қызметі.
15 қаңтарда команда алғашқы жаттығуларына кірісті. Алиев пен оның көмекшілері Юрий Чухлеба және Степан Демирчянның жетекшілігімен команда Петропавлдағы оқу-жаттығу жиындарына кірісті.
Еске салайық, Алиев өзі де "Қызыл-Жар СК" сапында ойнаған. Былтырғы маусым қорытындысы бойынша команда ҚПЛ-ден алғашқы лигаға түсіп қалды.
Алиев - алматылық футбол тәрбиеленушісі. Футболшы карьерасында "Қайрат", "Тобыл", "Ертіс", "Восток", "Ордабасы", сондай-ақ түркиялық "Акчаабат Себатспор", "Кайсери Эрджиесспор", "Карталспор" және "Диярбакырспор" үшін ойнаған. Қазақстан құрамасы үшін де екі матч өткізген.
Жарнама