"Атырау" командасының капитаны Марат Хайруллин Қазақстан кубогы үшін алматылық "Қайратпен" финалдық ойыннан кейін төрт матчқа шеттелді. Мұндай шешімді Қазақстан футбол федерациясының Бақылау-тәртіптік комитеті қабылдады.
"Спорттық емес әрекет үшін Тәртіптік регламенттің 45-бабы 1-тарауының 1-тармағы бойынша "Атырау" командасының капитаны Марат Хайруллин төрт матчқа шеттелсін. Шеттеу мерзімі 2018 жылдың 24 қарашасынан басталады", - делінген федерация хабарламасында.
Айта кетейік, финалдық кездесу 24 қараша "Астана Аренада" өтіп, "Қайраттың" жеңісімен аяқталған - 1:0. Алматылық клуб үшін бұл тоғызыншы трофей.
Ойын аяқталатынын білдіретін ысқырықтан кейін Хайруллин кездесудің бас төрешісіне жүгіріп келіп, бірнеше рет жұлқып, наразылығын білдірген.
Жарнама