ПСЖ "Барселона" ойыншысы үшін 270 миллион еуро ұсынды

Филиппе Коутиньо. © XSPORT.ua

Франциялық "Пари Сен-Жермен" клубы каталониялық "Барселонаның" және Бразилия құрамасының жартылай қорғаушысы Филиппе Коутиньоға көз тігіп отыр, - деп жазады Mundo Deportivo.

Мәлімет көзінің ақпаратынша, париждік команда 26 жастағы ойыншыға әлемдік футбол үшін рекордтық сомма - 270 миллион еуро ұсынбақ. Алайда клубтар арасында трансфер жайында ешқандай келіссөз жүрген жоқ. ПСЖ өкілдері ұсынысты футболшының өкіліне жолдады.

Коутиньо "Барселонаға" биыл қаңтарда "Ливерпуль" сапынан 125 миддион еуроға ауысқан болатын. Оның каталониялық клубпен келісімшарты 2023 жылдың маусымына дейін есептелген. Келісімшарттан бас тарту құны 400 миллион еуро.

Өткен маусымда Коутиньо Испания чемпионатында 18 матч өткізіп, сегіз гол салды және бес нәтижелі пас шығарған. 2018 жылғы чемпионатта ойыншы Бразиялия құрамасы сапында ширек финалға дейін жетті.

2017 жылдың жазында Неймардың өкілдері "Барселонамен" келісімшарттағы опция арқылы оны 222 миллион еуроға сатып алған. Осыдан кейін бразилиялық еркін агент ретінде ПСЖ клубына көшті.

Әлеуметтік желілерде бөлісу