Швейцариялық футбол клубының президенті журналисті соққыға жықты

Швейцариялық "Сьон" футбол клубының президенті Кристиан Константин журналисті әрі бұрынғы Швейцария құрамасының бапкерін соққыға жықты. Видео Twitter желісіндегі Mr. Oli аккаунтында жарияланды.

Оқиға Швейцария чемпионатының "Лугано" мен "Сьон" клубтарының ойыны кезінде болды. Константин Фрингерге тап беріп, бірнеше соққы жасады. Видеода оқиғаның соңы ғана түсірілген.

Blick басылымының мәліметінше, швейуариялық клуб президентінің мұндай әрекетке баруға журналистің сынға алуы себеп болған. Фрингери Константинді нарциссизм мен эгоизм ауруына шалдыққанын айтқан. "Фрингер маған тіл тигізді. Мен оған бірнеше соққы жасап, істі тындырдым. Клуб президенті мұндай әрекетке бармауы керек, алайда сізге шабуыл жасалса, жауап қайтаруыңыз керек", - деді шабуылдаған ер адам.

Журналист оны сотқа беретіні туралы жариялады, ал Швейцариялық футбол одағы Константинге қатысты іс қозғады.

Сол кештегі өткен ойында "Сьон" 2:1 есебімен жеңіске жетті. Жоғарғы лигада сегіз кезеңді өткізгеннен кейін клуб рейтингте бесінші болып тұр.

FC Sion president Christian Constantin has physically attacked TV pundit Rolf Fringer during Lugano - Sion. pic.twitter.com/uSpwr1ChYH
— Mr. Oli (@aulit_z) 21 сентября 2017 г.

Әлеуметтік желілерде бөлісу