Конор МакГрегор "Астананы" ойсырата жеңген "Селтиктің" жанкүйерлерін мақтады

Америкалық боксшы Флойд Мейвезермен жекпе-жекке дайындалып жатқан UFC чемпионы Конор МакГрегорге шотландиялық "Селтиктің" жанкүйерлері шығарған идея ұнап қалды, - деп хабарлайды Vesti.kz.

Матчта фанаттар баннерге МакГрегордың сөзін жазған. "Біз мұнда қатысу үшін келген жоқпыз. Біз мұнда барлығын жаулап алу үшін келдік", - деп жазған жанкүйерлер баннерге.

"Селтик" футбол клубы көтеріліп келеді! Нағыз жанкүйерлердің қолдауы дәл осындай болуы керек! Қандай әсерлі көрініс! Қандай команда! Барлығыңызға рақмет", - деп жазды МакГрегор Twitter желісінде.

Celtic Football Club STAND UP!!! This is what die hard support from your fans looks like! What a sight! What a team! Thank you all!

Публикация от Conor McGregor Official (@thenotoriousmma) Авг 17 2017 в 1:24 PDT

Еске салайық, "Астана" футболшылары Чемпиондар лигасының плей-офф раундындағы бірінші ойында "Селтиктен" 0-5 есебімен жеңіліп қалған болатын. "Селтик" пен "Астананың" қарымта кездесуі 22 тамызда Қазақстан елордасында өтеді. Жұптың жеңімпазы Чемпиондар лигасының топтық кезеңіне шығады, ал жеңілгені Еуропа лигасында ойнайды.

Әлеуметтік желілерде бөлісу