Қыздарымыз әлемдік рейтингте үздіктер қатарында

Әлемдік рейтингте көш бастаған балуандардың тізімі жаңарды, деп жазады Vesti.kz порталы. 

Әйелдер күресінен 48 келіде ел намысын қорғайтын Жұлдыз Эшимова үздік бестікке жетпей 6 орынға табан тіресе, бұл салмақта Рио Олимпиадасының чемпионы Эри Тосака көш бастап тұр. Мария Стадник екінші орын, қытайлық Сун Юнань үздік үштікті қортындылап тұр.

Өкінішке қарай, 53 келіде балуан қыздарымыз әлемдік рейтинке ілінбей қалған. Ал бұл салмақта Риода сенсация жасап, Саори Ёсиданы қапы қалдырған Хэлен Мауролис көш тізгінін бастап тұр. Тиісінше Саори Ёсида екінші орында тұрақтаған.
55 келіде белдесетін Айым Абдылдина, осы салмақта әлемдік рейтингте төрінші орынға тұрақтап тұр. Айымдың алдын әлем чемпионы Маю Мукайда,  ресейлік Ирина Ологонова және 2011 жылғы әлем чемпионатының күміс жүлдегері Даваасух Отгонцецег орап кеткен.

58 келі де қыздарымыз әлемнің үздік балуандарының қатарына қосыла алмапты. Бұл салмақтың үздіктері мынандай: Көш басында жапондық Каори Ичо – Рио Олимпиадасының чемпионы. Екінші орында Валерия Коблова-Жолобова – Рио Олимпиадасының күміс жүлдегері. Үш пен төртінші орынды Рио Олимпиадасының қола жүлдегерлері Марва Амри (Тунис) мен Сакши Малик (Үндістан) жайғасса, үздік бестікті қырғызстандық Айсулуу Тыныбекова қортындылап тұр.

60 келідегі Аяулым Қасымова үздік бестікке ілінсе, бұл салмақтың үздігі әлем чемпионы қытайлық Ксингру Пей, екінші орында америакалықЭлисонРаган,  үшінші, төртінші орындарды әлем чемпионатының қола жүлдегерлері Эрмес Барка мен Линда Морайс жайғасқан.

63 келіде Риода атой салған Екатерина Ларионова үздік үштікте тұрақтаған екен. Рио Олимпиадасының жеңімпазы Рисако Кавай мен күмісті місе тұтқан Мария Мамащук алдыңғы қатарда орналасқан. Ресейлік Инна Тражукова мен Моника Ева Михалик үздік бестікті қортындылап тұр.

Жапондық Рио Олимпиадасының чемпионы Сара Доша 69 келіде әлемдік рейтингтің көшін бастап тұрса, Эльмираны ұтқан ресейлік Наталья Воробьева екінші сатыдан орын алған. Үздік үштікке Жэнни Франссон жайғасса, Эльмира Сыздықова төртінші орында. Ал Сыздықовадан жеңілген Энас Ахмед бесінші орынға тұрақтаған.

75 келіде Олимпиада ойындарының үш дүркін жүлдегері Гузель Манюрова әлемдік рейтингте Рио Олимпиадасының финалында есе жіберген, Ерика Вибден кейін екінші орынға жайғасқан. Үздік үштікті қытайлық Жанг Фенглиу бастаса, төртінші бесінші орынға Екатерина Букина мен Василиса Марзалюкорныққан екен.