Жақын уақытта гол соғып бастайтыныма сенімдімін - Аздрен Ллуллаку

"Астана" ФК ресми сайтынан

Елордалық команданың осы кездесуде ойыны қалай өрбігені және Аздрен қашан гол соғып бастайтыны жайлы "Астана" клубтың баспасөз қызметіне айтып берді.

- Өкінішке қарай бүгінгі кездесуде жеңіліп қалдық. Біз кездесуді өте жақсы қарқынмен бастаған едік. Бірінші голды соққаннан кейін есепті еселейтін бірнеше мүмкіндік болды. Алайда біз мүлт кеттік. Біз жеңіске жететінімізге сенімді болдық. Ойынның екінші таймында болмашы қателіктерге бой алдырып, өз қақпамызға екі гол жіберіп алдық. Мен мұндай қателіктер алдағы уақыта қайталанбайды деп ойлаймын. Біз бүгінгі матчта жеңіске жетуге тиісті болатынбыз. Алайда бұл жеңілістен тезірек сабақ шығарып, келесі кездесуде міндетті түрде жеңіс үшін барымызды салып, жанкүйерлерге қуаныш сыйлауымыз керек.

- Команда жанкүйерлері сіздің гол соққаныңызды асыға күтіп жүр. Өкінішке қарай сіздің қоржыныңызда әзірге 1 ғана гол бар. Десе де әр ойында сізде гол соғатын бірнеше мүмкіндік болып тұрады. Сіздің ойыңызша гол соғуыңызға не жетіспейді?

- «Жетісу» командасына қарсы кездесуде өзімде болған гол соғатын сәттерді пайдалана алмағаным өте өкінішті. Бір білетінім, әр нәрсе өз уақытымен болады. Командалас әріптестерім мен бапкерлер құрамы маған толықтай сенеді. Мен әр жаттығуда өзімнің 100%мүмкіндігімді көрсетуге тырысамын. Көп жанкүйерлер менің голымды күтіп жүргені анық, мен де сол сәтті асыға күтудемін. Командаластарымның қолдауын жақсы сезінемін. Жақын уақытта гол соғып бастайтыныма сенімдімін. Дегенмен құрамда кімнің гол соққандығы аса маңызды емес, бастысы команда нәтижелі ойын көрсетіп, жеңіске жетуі керек деген ойдамын. Дәл қазір «Астана» турнирлік кестенің жоғары сатысында келе жатыр. Біз соңғы екі кездесуде қарсыластарымыздың қақпасына алты гол соқтық.

Әлеуметтік желілерде бөлісу