Жеңіл салмақта UFC чемпионы Хабиб Нурмагомедов америкалық Тони Фергюсонмен жекпе-жекке постер жариялады, - деп хабарлайды
Vesti.kz.
"Тақтар ойыны" телехикаясы стилінде жасалған коллажда ирландиялық Конор МакГрегор де бейнеленген.
"Тағы да тарихи дүние жасайық", - деп жазыпты файтер Instagram желісінде жариялаған постерінде.
Осыған дейін төрт рет өтпей қалған Фергюсон мен Нурмагомедов жекпе-жегі 18 сәуір Бруклиндегі UFC 249 турнирінде өтеді.
Нурмагомедов қыркүйекте Дастин Порьені жеңіп, UFC чемпионы титулын қорғап қалған. Фергюсон кейінгі кездесуінде Дональд Серронені жеңді. Фергюсон 28 жекпе-жектің жиырма бесінде жеңді де, үшеуінде жеңілді. Ал Нурмагомедов 28 кездесудің барлығын өз пайдасына аяқтаған.