Шавкат Рахмонов жеңістерінің сырын ашты

UFC-де өнер көрсететін қазақстандық Шавкат Рахмонов жекпе-жек алдында қандай шектеулер ұстанатынын айтты, деп хабарлайды Vesti.kz.

"Жекпе-жек алдында тіпті отбасыммен аз тілдесем. Бар назарымды айқасқа бұрамын. Түнде қыдырмаймын. Бұған 10 жылдан бері әдеттеніп қалдым. Еңбектене беру керек. Нәтиже сонда ғана болады. Егер қарсылас мықты болса, дайындыққа төрт-бес ай, олай болмаса, азырақ кетеді. Ал жалпы октагонға шығып, қарсылас өзін қалай ұстайтынын бақылаймын. Тактикам көбіне жағдайға байланысты болады. Бірақ үнемі шабуылдаймын, түртпектеп, шаршатуға тырысамын. Жекпе-жектегі негізгі тактикам - қарсыластардың көбі шыдай бермейтін жоғары темп", - деп береді Рахмоновтың сөзін 5q.media.