"Енді полицияны күтеміз". Файтер қыз қарақшыны оңдырмай сабаған

UFC-дің ең төменгі дивизионында (52 келіге дейін) жұдырықтасатын Полиана Виана (10-2) телефонын тартып алмақ болған қарақшыдан өзін қорғай алды. Оқиға қыздың Рио-де-Жанейрода такси күтіп тұрған сәтінде болған, - деп хабарлайды "Чемпионат.com" порталы MMA Junkie сайтына сілтеме жасап.

"Мен қарағанымды байқаған соң, ол менің қасыма отырды. Менен уақыт сұрады, жауап бердім де, оның кетпейтінін түсіндім. Телефонымды сала бергенімде: Телефонды маған бер. Қарсылық көрсетем деп ойлама қаруым бар" деді. Сосын ол қолын тапаншаға қойды, қолы тым бос тұрғанын түсіндім.

Маған өте жақын отырды. Сосын ойладым: "Бұл тапанша болса, алып шығып үлгермейді". Тұрып қолыммен екі соққы жасадым да, тептім. Ол құлаған кезде тұншықтыру әдісіне алдым. Соысын оны отырған жеріне жайғастырып, енді полицияны күтеміз" дедім.

Осыдан кейін оның тапаншасы картоннан қиылған пішін ғана екені анықталды. Спортшы қыз ер адамды полиция келгенше қолын қайырып ұстап отырған. Келіп жеткен полицейлер қарақшыны алдымен ауруханаға, содан кейін бөлімшеге жеткізген. Бөлімшеде ер адамның жақын арада ғана түрмеден босап шыққаны белгілі болған. Арыз жазғаннан кейін Полиана үйіне барып, кешкі ас әзірлеген екен.