Ұлттық спорт жекпе-жектен ел біріншілігі басталды

Сурет dodasport.kz

Атырау қаласында жекпе-жек ұлттық спорт түрінен ерлер мен əйелдер арасындағы Қазақстан Республикасының чемпионаты жалауын көтерді.

Чемпионатқа еліміздің барлық облыстарынан 200- ден астам жекпе-жек шеберлері қатысуда. Сайыстар екі күнге жоспарланған.Ел чемпионатының ашылуына Атырау облысының əкімі Нұрлан Асқарұлы келіп, спортшыларға сəттілік тіледі. Одан бөлек Кеңестер одағына еңбегі сіңген спорт шебері, еңбегі сіңген жаттықтырушы, ережесіз жекпе-жектен тоғыз дүркін әлем чемпионы, Дүниежүзілік «Жекпе-жек» Қауымдастығының президенті Сабыржан Ғалымжанұлы Махмет салтанатты түрде сайыстарды ашты.

"Батыс пен шығыс, оңтүстік пен солтүстік, Арқа мен Алтай арасы, барлығында мекен еткен бір қазақ баласымыз. Ата-бабаларымыз найзаның ұшымен, білектің күшімен елімізді жаудан аман сақтап қалған. Сонау байтақ даланың ұландары бабалар салған ізді жалғап, дені сау ұрпақ тәрбиелеуіміз керек. Бүгінгі жарысымыздың мақсаты да сол. Жігерлі де, намысшыл қайсар ұл-қыздарды тәрбелеп шығару", — дейді Сабыржан Ғалымжанұлы.

Әлеуметтік желілерде бөлісу