Мейвезер мен МакГрегор екінші кездесу өткізу үшін келіссөз жүргізіп жатыр

Мейвезер мен МакГрегор. Сурет: Sky Sports

Бокстан бес салмақ бойынша әлемнің бұрынғы чемпионы америкалық кіші Флойд Мейвезер мен жеңіл салмақта UFC чемпионы ирландиялық Конор МакГрегор ережесіз жекпе-жекте кездесу өткізу үшін келіссөз жүргізіп жатыр.

ТalkSPORT порталыны дереккөзінің Джими уайттың айтуынша, Мейвезер мен МакГрегордың өкілдері ММА ережесі бойынша екінші кездесу өткізу туралы келіссөздер жүргізіп жатыр.

"Маған Мейвезердің командасы жасырын түрде келіссөз жүргізіп жатыр деген сыбыс жетті. Қазіргі уақытта Мейвезердің МакГрегормен ММА ережесі бойынша жекпе-жек өткізеді деген әңгіме көп болып жатыр. Бокс ережесі бойынша өткен кездесуде Конорда ешқандай мүмкіндік болмады.

Сондықтан енді көптеген жанкүйерлер ережесіз жекпе-жекте Мейвезердің МакГрегордан таяқ жегенін көргісі келеді. Флойдтың бұл жеңілісі оның бокстағы көрсеткіштеріне кері әсерін тигізбейді. Менің ойымша бұл кездесу өтеді. Ал жекпе-жектен үш жүз немесе бес жүз миллион доллар пайда түсед", - деп келтіреді Уайттың сөзін The Sun басылымы.

Еске салайық, өткен жылдың тамыз айында Лас-Вегаста бұл екі спортшы бокс ережесі бойынша кездесіп, Мейвезер оныншы раундта техникалық нокаутпен жеңіске жеткен еді.

Әлеуметтік желілерде бөлісу