Арман Оспанов Мәскеудегі Полпудниковпен жекпе-жегі туралы таратып айтып берді

Ережесі жекпе-жекте өнер көрсететін қазақстандық спортшы Арман Оспанов 8 News.ru сайтына берген сұхбатында Мәскеуде өткен ACB 77 турниріндегі Александр Полдпудниковпен даулы жекпе-жегі туралы өз ойымен бөлісіп, онымен неліктен қайта жұдырқтасқысы келмейтінін түсіндірді.

- Жеңімпазды хабарлар алдында қазылар осындай шешім шығарады деп күттіңіз бе?

- Шынын айтсам, Алексей Полпудниковтың қолын көтереді деп ойламадым да, күтпедім де.

- Бұл жекпе-жекте қай раундтарда сіз, ал қай раундта қарсыласыңыз жеңді деп ойлайсыз?

- Тек өз пікірімді айтсам, бірінші және үшінші раундтарда мен жеңіске жеттім. Ал екінші раундта тепе-тең түстік...

- АСВ ұйымымен келісім-шарт аяқталды. Полпудниковпен тағы бір жекпе-жек ұсынса, келісесіз бе? Әлде, үшінші жекпе-жек сізді қызықтырмай ма?

- Шынын айтқанда, үшінші жекпе-жек туралы ойлаған жоқпын. Мен әлі де аппеляция туралы ойлап жүрмін, бұл жекпе-жекте жеңгенім анық. Аппеляция өтіп, бұл жекпе-жекті маған бергенін қалаймын. Осы бойынша жұмыс істеп жатырмын. Келісім-шартты созамыз ба, басқа ұйымға ауысамыз ба, сол кезде белгілі болады. Үшінші жекпе-жек қызық емес. Маған екінші жекпе-жек те қызық болған жоқ. АСВ берген соң келістім. Үшіші жекпе-жектің не керегі бар? Екі рет те жеңдім, үшіншінің қажеті не? Мен бәрін дәлелдегем.

Еске салайық, Оспанов - Полпудников жекпе-жегі 23 желтоқсанда Мәскеуде өткен болатын. Бұл кездесуде 4:1 есебімен ресейлік жеңімпаз атанды, ал даулы жекпе-жектің видеосын мына жерден көре аласыз. Полпудников сөз алғанда зал ысқырып, наразылығын білдірген болатын. Кейін ол "қазақстандықтар үнемі өздерін осылай ұстайды және пасық дүниелер жазады" деген болатын. Ал Оспановтың командасы шешімге қарсы шағымданды.

Әлеуметтік желілерде бөлісу