Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Арман Оспанов АСВ 77 турнирінде ресейлік спортшыға төрешілер шешімімен жеңілді

Жиналған көрермен төрешілер шешімімен келіспейтінін білдіріп, ресейлік спортшыға сөз бергенде ысқырыққа басты.


Қазақстандық ережесіз жекпе-жек шебері Арман "Сұңқар" Оспанов Мәскеуде өткен АСВ 77 турнирінде ресейлік спортшы Александр Полпудниковке төрешілер шешімі бойынша жеңілді.

Жартылай жеңіл салмақта өткен жекпе-жек 3 раундқа жоспарланған болатын. Бірінші раунд аяқталар тұста Арман бірнеше ауыр соққы алып, есін жиып үлгерді. Нәтижесінде уақыт дабылы қос спортшының дем алуына мүмкіндік берді. Ал екінші раунд аса тартысты өтті. Ресейлік спортшы алға ұмтыла түссе, аңдысын тапқан Арман соққының астына алған. "Сұңқардың" соққылары дөп тиюімен ерекшеленді. Әйтсе де екі спортшының да осы сәтте шаршағаны анық байқалды. Бір-бірінің жойқын соққыларын көтеріп қана қоймай, жұдырық сілтеп, тығырықтан шығар жол іздеді. Бұл жолы да спортшыларды екінші раундтың уақыт дабылы тыныстап алуларына мұрша берді.

Үшінші раундта екеуі де шабуылға асықпады. "Сұңқар" әдіске салуға асыққанмен, қарсыласы мүмкіндік бермеді. Бұл раундта Арман қарсыласына есе жібере қойған жоқ. Нәтижесінде уақыт та аяқталып, жеңімпазды төрешілер анықтады. Олар 4:1 есебімен Александр Полпудниковты жеңімпаз ретінде таныды. Ал жиналған көрермен төрешілер шешімімен келіспейтінін білдіріп, ресейлік спортшыға сөз бергенде ысқырыққа басты.



Арман Оспанов пен Александр Полпудников осыған дейін де бір-бірімен кездескен. 2013 жылы League S-70 турнирінде өткен жекпе-жекте отандасымыз қарсыласын бірінші раундта-ақ жеңіп шыққан болатын. Бүгінгі жекпе-жек қорытындысы бойынша бір-бірін жеңіп, нәтижелері теңесті. Ал келесі кездесуге ресейлік спортшы қарсы емес екенін айта кетті.

- Егер төрешілер шешімі ұнамай жатса, үшінші жекпе-жекке шығуға дайынмын. Әрине, Арман келіссе. Сөйтіп нүктесін қоятын боламыз, - деді Александр.

Арман АСВ промоушні аясында үш жекпе-жек өткізуге келісімшарт жасасқан еді. Алғашқы кездесуінде жапон спортшысы Таичи Накажиманы екінші раундта нокаутпен жеңді. Екінші жекпе-жегін Алматыдағы АСВ 69 турнирінің басты жекпе-жегінде бразилиялық спортшы Тиаго Сильваға қарсы өткізіп, қарсыласына есе жіберіп алған. Бұл - отандасымыздың спорттық мансабындағы алғашқы жеңілісі еді. Бүгін екінші рет жеңілді.

Айта кетейік, АСВ 77 турнирінде қазақ спортшысы Асылжан Бақытжанұлы да қатысып, ресейлік Муслим Махмудовты екінші раундта нокаутпен жеңді.
  Пікір: 0
  0