Октагоннан жекпе-жек аяқталмай жатып шығып кеткен спортшы алты айға шеттелді

Диего Брандао © Fight Nights Global баспасөз қызметі

Fight Nights Global 73 турниріндегі бразилиялық Диего Брандао мен ресейлік ресейлік Ахмед Алиевтің жекпе-жегі даумен аяқталған еді. Жекпе-жек аяқталмай жатып, кетіп қалған бразилиялық файтер Диего Брандаоны ұйым басшылығы алты айға жекпе-жектен шеттетті.

Fights Nights Global ұйымының басшысы Камил Гаджиев Fights Nights Global-73 турнирінде Ахмед Алиевке қарсы шайқасып, жекпе-жектің соңғы дауға ұласуға себепкер болған Брандаоны 6 айға шеттетіп, сыйақысының 30 пайызын қысқартқан. Сонымен қатар, Диегоның қарсыласы Ахмедтің де сыйақысы - 30 пайызға қысқартылды.

Еске салайық, Алиев екінші раундта партерде қарсыласының үстінде жатып, Брандаоны баспен ұрған. Рефери ескерту жасау үшін дереу жекпе-жекті тоқтатқан, осы кезде ресейлік файтер қарсыласына бірнеше соққы жасап үлгерген.

Брандао ашуға беріліп, Ахмедтің басынан тепкен, осыдан кейін бразилиялық жекпе-жектен бас тартып, октагоннан шығуды ойлады. Оңтүстікамерикалық қоршаудан шыққан бетте трибунадан шөлмек пен қоқыс жауған.

Кейін ұйымдастырушылар Брандаоны октагонға кіруге көндіріп, ол кездесуден бас тартып, Алиевтің қолын көтерді. Осылайша бразилиялық техникалық жеңіліске ұшырады.

Әлеуметтік желілерде бөлісу